Wright-Phillips einbeittur

Stuart Pearce, knattpyrnustjóri Manchester City, segist vera orðinn dauðleiður á orðrómi um að Shaun Wright-Phillips sé á leið frá félaginu, en segir jafnframt að leikmaðurinn ungi hafi sýnt mikinn þroska með því að láta orðróminn ekki hafa áhrif á sig við æfingar. "Ég er orðinn hundleiður á þessum spurningum um framtíð Wright-Phillips. Það eina sem ég get sagt er að við munum gera allt til að halda í hann. Hann er mikið í sviðsljósinu þessa dagana, en lætur það ekkert á sig fá og æfir eins og berserkur. Hann er draumur allra knattspyrnustjóra, því hann mætir á hverja æfingu eins og hann sé að mæta í leik og leggur sig allan fram, þrátt fyrir að hann sé orðaður við Chelsea og Arsenal á forsíðum blaða annan hvern dag," sagði Pearce.