Erlent

Mannskæðasta árás á Noreg frá stríði

Að minnsta kosti sautján manns eru látnir eftir sprengjuárás í Ósló og skotárás í Útey í gær. 32 ára Norðmaður var handtekinn eftir skotárásina og yfirheyrður. Hann sást einnig í Ósló en lögregla telur hann bera ábyrgð á báðum árásum.
Að minnsta kosti sautján manns eru látnir eftir sprengjuárás í Ósló og skotárás í Útey í gær. 32 ára Norðmaður var handtekinn eftir skotárásina og yfirheyrður. Hann sást einnig í Ósló en lögregla telur hann bera ábyrgð á báðum árásum. Mynd/AP
Lögregla hafði í gærkvöldi staðfest að tíu manns hefðu látist í skotárás í Útey, skammt vestan Óslóar í gær. Vitni segja að á bilinu tuttugu til þrjátíu hafi látist. Lögregla telur að árásin þar og sprengjuárás sem varð skömmu áður í Ósló tengist. Sprengiefni fannst einnig á eyjunni.

Nokkru eftir sprenginguna, sem varð að minnsta kosti sjö manns að bana, bárust fréttir af því að maður í lögreglubúningi hefði tekið upp byssu og skotið á fólk á eyjunni Útey. Þar á eyjunni eru sumarbúðir æskulýðssamtaka norska Verkamannaflokksins og voru nærri 700 manns á staðnum, flest ungmenni á aldrinum 14-18 ára.

Maðurinn var handtekinn fáeinum klukkustundum síðar. Lögregla segir að hann hafi aðeins verið í peysu merktri lögreglunni. Hann hafi aldrei starfað sem lögreglumaður. Maðurinn sem var handtekinn er 32 ára Norðmaður.

Stoltenberg forsætisráðherra, sem jafnframt er leiðtogi Verkamannaflokksins, átti í dag að halda ræðu á eyjunni og heimsækja síðan tjaldbúðir æskulýðshreyfingar flokksins þar. Gro Harlem Brundtland, fyrrverandi leiðtogi flokksins, hafði haldið ræðu þar fyrr í gær.

Á blaðamannafundi í gærkvöldi sagði Stoltenberg að árás á friðsælan stað eins og sumarbúðir ungu jafnaðarmannanna væri heigulslegt athæfi. Hann sagði að árásirnar muni skapa opnara og lýðræðislega samfélag. Ríkisstjórnin geri sér grein fyrir því að ofbeldisverk geti skekið samfélagið í framtíðinni.

„Sprengjuárás mun ekki þagga niður í okkur, skotárás mun ekki þagga niður í okkur. Enginn mun nokkurn tímann hræða okkur frá því að vera Noregur,“ sagði forsætisráðherrann og lofaði því að þeir sem frömdu árásirnar myndu finnast og yrðu dregnir til ábyrgðar.

Hann sagðist ekki vilja staðfesta neitt um hópa sem gætu staðið á bak við árásina.

Hryðjuverkahópurinn Helpers of the Global Jihad lýsti í gær árásunum á hendur sér, en ekki er talið að það sé rétt. Fréttir í Noregi hermdu í gærkvöldi að litlar líkur væru taldar á að árásirnar væru á vegum alþjóðlegra hryðjuverkasamtaka, heldur árás á pólitíska kerfið í Noregi.

[email protected]

Hryðjuverk í Útey Noregur

Tengdar fréttir

Sprenging í Osló

Sprenging varð í miðborg Osló um tuttugumínútur yfir eitt að íslenskum tíma og er mikil ringulreið í borginni vegna þessa. Lítið er vitað um stöðuna en rúður sprungu. Sprengingin varð í hverfi þar sem fjölmargar byggingar norsku ríkisstjórnarinnar eru, en þar er jafnframt bygging Verdens Gang. Fram kemur á fréttavef Aftenposten að margir séu slasaðir. Blóð sást í andliti og á höndum margra. Ekki er vitað hvort um hryðjuverkaárás var að ræða.

Stoltenberg: Noregur í grafalvarlegri stöðu

Norska lögreglan hefur staðfest að Jens Stoltenberg forsætisráðherra er í öruggu skjóli. Stoltenberg segir sjálfur við norska ríkisútvarpið og staða Noregs sé grafalvarleg.

Biskup sendir Norðmönnum samúðarkveðjur

Karl Sigurbjörnsson, biskup Íslands, hefur sent samúðarkveðjur til Ole Christian Kvarme, biskups í Osló, og til Dag Wernø Holter, sendiherra Noregs á Íslandi, vegna þeirra árásanna í Osló og Útey í dag.

Gríðarleg sprenging segir Íslendingur í Osló

"Þetta hefur verið gríðarleg sprengja miðað við hvað allt hristist og þetta langt í burtu,“ segir Haukur Jósef sem staddur er í Osló, um tveimur kílómetrum frá stjórnarráðshverfinu, þar sem sprengja sprakk um klukkan tuttugu mínútur yfir eitt að íslenskum tíma.

Forsætisráðherra Noregs í felum

Forsætisráðherra Noregs, Jens Stoltenberg, hefur að ráði lögreglu ákveðið að greina ekki frá því hvar hann heldur til eftir sprengjuárás í miðborg Oslóar síðdegis í dag. Skrifstofur forsætisráðherrans eru í skrifstofubyggingunni sem fór einna verst út úr árásinni.

Árásarmaðurinn er norskur

Jens Stoltenberg, forsætisráðherra Noregs, segir Norðmenn vera litla en stolta þjóð sem láti ekki hræða sig. Í kvöld kom Stoltenberg í fyrsta sinn fram eftir árásirnar í Osló og Útey í dag. Hann ræddi þá við blaðamenn ásamt dómsmálaráðherranum Knut Storberget. Stoltenberg sagði hugsanir sínar og bænir vera hjá hinum særðu og ættingjum þeirra sem misstu ástvini í dag.

Boðað til minningarathafnar

Boðað hefur verið til minningarathafnar við Tjörnina í Reykjavík á morgun vegna árásanna á Osló og í Útey í dag. "Þeir sem vilja geta mætt með kerti,“ segir á síðu á samskiptavefnum Facebook sem stofnuð hefur verið vegna athafnarinnar. Athöfnin hefst klukkan 18.

Obama vottar Norðmönnum samúð sína

Barack Obama, forseti Bandaríkjanna, segir atburðina í Noregi í dag sýna að alþjóðasamfélagið verði að vinna saman til að koma í veg fyrir hryðjuverk. Hann vottar Norðmönnum samúð sína og hefur heitið norskum stjórnvöldum fullum stuðningi við rannsókn árásanna í Osló og Útey.

Óttast að sprengja sé í Útey

Óttast er að það sé sprengja á Útey, þar sem að minnsta kosti fjórir voru skotnir til bana í dag. Þetta staðfestir norska lögreglan við norska ríkisútvarpið.

Mikill ótti í Osló

Það greip um sig ótti í Osló þegar sprengingin sprakk, segir Daníel Ingólfsson, sem staddur var í um 300 - 400 metra fjarlægð frá staðnum þar sem sprengjan sprakk. "Við sátum beint hjá ráðhúsinu, um svona 400 metrum frá. Þetta var mjög mikil sprenging," segir Daníel. Stuttu seinna hafi fólk séð reyk.

Allt að 30 myrtir í Útey

Norska ríkisútvarpið og dagblaðið Verdens Gang hafa eftir sjónarvottum að þeir hafi séð að minnsta kosti 20-30 látna á eyjunni Útey. Þar hófst á miðvikudaginn árleg sumarhátíð ungliðahreyfingar norska Verkamannaflokksins en talið er að hátt í 700 manns hafi verið á eyjunni í dag þegar karlmaður í gervi lögreglumanns hóf að skjóta á fólk í kringum sig.

Byssumaðurinn sást í Osló fyrr í dag

Maðurinn sem hóf skothríð á eyjunni Útey seinnipartinn sást í miðborg Osló skömmu áður en sprengja sprakk þar í dag. Hann er nú yfirheyrður af lögreglu sem kannar hvort hann beri einnig ábyrgð á árásunum í höfuðborginni, að því er fram kemur á vef norska dagblaðsins Verdens Gang. Árásarmanninum er sagður norrænn í útliti og hávaxinn. Lögreglan upplýsir ekki hvort maðurinn sé norskur ríkisborgari.

Staðfest að sprengja fannst í Útey

Ósprengdar sprengdur fundust í Útey í dag. Ekki er vitað hverskonar sprengjur er um að ræða. Þetta staðfesti lögreglustjórinn í Osló á blaðamannafundi sem var haldinn um klukkan ellefu að dönskum tíma í nótt.

Viðbúnaður á Íslandi ekki verið aukinn vegna sprengjunnar

Almannavarnadeild ríkislögreglustjóra er ekki með aukinn viðbúnað hér á landi vegna sprengjuárásarinnar í Osló. Guðrún Jóhannesdóttir, fulltrúi almannavarnadeildarinnar segir að það sé stjórnvalda að taka ákvörðun um slíkt.

Stoltenberg ætlaði að ávarpa ungliða á eyjunni

Jens Stoltenberg, forsætisráðherra Noregs og leiðtogi Verkamannaflokksins, átti á morgun að flytja ávarp á eyjunni þar sem maður hóf að skjóta á ungmenni fyrr í dag. Gro Harlem Brundtland, fyrrverandi forsætisráðherra, heimsótti eyjuna fyrr í dag og Jonas Gahr Störe, utanríkisráðherra Noregs, var á eyjunni í gær. Hér má sjá viðtal við hann þar sem talar um að norska ríkisstjórnin styður stofnun sjálfstæðs ríkis Palestínumanna.

Sprengja orsakaði sprenginguna - fleiri en einn látinn

Lögreglan í Osló hefur staðfest að sprengja hafi orsakað öfluga sprengingu í miðbæ borgarinnar, en sprengingin olli mikilli eyðileggingu. Þetta kemur fram í beinni útsendingu á fréttastöðinni Sky.

Kunna að vera fleiri sprengjur á svæðinu

Ögmundur Jónasson, innanríkisráðherra, lét þau orð falla í viðtali við Vísi að fleiri sprengjur kynnu að vera í Osló, á svæðinu þar sem miklar sprengingar urðu á öðrum tímanum í dag.

Húsleit hjá byssumanninum

Norska lögreglan gerði nú ellefta tímanum í kvöld húsleit í íbúð mannsins sem handtekinn var í Útey seinnipartinn í dag. Maðurinn fór klæddur eins og lögreglumaður í Útey og sagðist vera kominn þangað vegna sprengjunnar sem sprakk í Osló fyrr í dag. Skömmu síðar hóf hann að skjóta á fólk í kringum sig. Lögreglan hefur staðfest að 10 eru látnir en fullyrt er að tala fallinna muni hækka. Fyrr í kvöld var í norskum fjölmiðlum haft eftir sjónarvottum að allt að 30 væru látnir.

Mest lesið


Fleiri fréttir

Sjá meira


×

Mest lesið