Líf­ræn egg frá Nes­bú­eggjum er full­komin næring

Nesbúegg hefur sérstöðu í sölu hérlendis á lífrænt vottuðum eggjum en þau koma frá hænum sem fá lífrænt fóður. 

Lífrænt vottuð framleiðsla fylgir ströngum gæðakröfum og um leið reglubundnu eftirliti svo gæðakröfunum sé framfylgt segir Ingibjörg Ásta Halldórsdóttir, framkvæmdastjóri sölu- og markaðssviðs Líflands/Nesbúeggja. „Vottunarstofan Tún ábyrgist vottunina og sér um eftirlit og framfylgni hennar hjá framleiðendum. Sala á lífrænum eggjum hefur færst mikið í aukanna síðastliðin misserin enda eru nokkrar mjög góðar ástæður fyrir að velja lífræn egg. Viðskiptavinurinn getur fullvissað sig um að hann er að fá hreina vöru þar sem að fóðrið er lífrænt.“

Með kaupum á lífrænum eggjum er stuðlað að dýravelferð þar sem hænurnar eru lausar. „Í leiðinni styður viðskiptavinurinn við umhverfisvernd þar sem bændur sem rækta lífrænt fóður nota ekki tilbúinn áburð. Til fróðleiks þá er eggjarauðan í lífrænu eggjunum ljósari en í öðrum matvörum.“

Egg eru hin fullkomna fæða

Egg eru á meðal næringarríkustu fæðu sem völ er á að sögn Ingibjargar. „Egg eru hin fullkomna fæða vegna þess að í þeim eru eitthvað af næstum öllum næringarefnum sem mannslíkaminn þarf. Í eggjum er t.d. nóg af gæða próteini. Í þeim má einnig finna amínó sýrur í réttu magni þannig að líkaminn nær að vinna vel úr próteininu sem hann fær úr egginu.“

Eggin henta mjög vel í millimál og eru mettandi á hollan og góðan hátt. „Núna þegar haustar fara margir að huga aftur að aukinni hreyfingu og næra sig rétt. Þá koma eggin sterk inn en þau eru mjög vinsæl fæða hjá íþróttafólki til fá góða orku og endurheimt.

Egg eru auk þess stútfull af næringarefnum og innihalda m.a. A, B5, B12, B2, B6, D, E og K vítamín ásamt fosfóri og kalki sem er gott fyrir beinin og tennurnar. „Í eggjarauðunni er næringarefnið lútein sem getur gegnt mikilvægu hlutverki í verndun augna og sjónar. Hægt er að álykta aldur eggsins út frá hvítunni. Því þynnri sem hún er því eldra er eggið.“

Eggin hafa um áratugabil verið ómissandi hluti af bakstrinum en í dag neytir stór hópur fólks eggja einna og sér eða matreiðir margvíslega girnilega rétti úr þeim. „Það kannast allir við hve gott er að grípa í eggin þegar elda á fljótlega og góða máltíð með því að spæla egg, búa til eggjahræru eða ljúffenga eggjaköku.“

Taktu þátt í ommilettu samkeppninni

Á morgun, laugardaginn 16. september, er Lífræni dagurinn haldinn hátíðlegur í annað sinn. Markmiðið er að vekja áhuga á þessari tegund ræktunar og því sem er í boði.

Í tilefni af Lífræna deginum efnir Nesbúegg til ommilettu samkeppni úr lífrænum eggjum og hvetur þátttakendur til að líka við Facebook síðu Nesbúeggja og deila með fylgjendum síðunnar uppáhalds ommilettu uppskrift sinni. Einnig má senda uppskriftir á [email protected]. „Nú má láta hugarflugið ráða varðandi innihaldið til að fá sem bestu útkomuna. Ommilettu samkeppnin stendur til og með 28. september. Þá verða þrjár bestu uppskriftirnar valdar. Haft verður samband við vinningshafa og úrslitin kynnt á Facebook síðu Nesbúaeggja. Vegleg verðlaun verða í boði fyrir vinningshafa: eggjasuðutæki af bestu gerð fyrir efstu tvö sætin og gjafabréf í dögurð hjá VOX Brasserie & bar fyrir öll fyrstu þrjú sætin ásamt lífrænum eggjum frá Nesbúeggjum.“

Nesbúegg selur fjölbreytt úrval eggjaafurða

Nesbúegg hefur verið starfrækt síðan árið 1972 og er í eigu Líflands sem starfrækir vöru og þjónustu sem tengist landbúnaði, búrekstri, útivist, hestaíþróttum og þjónustu við matvælaiðnaðinn. „Í dag er Nesbúegg stærsti framleiðandi lífrænna eggja hérlendis og selur auk þess fjölbreytt úrval eggjaafurða. Á neytendamarkaði eru í boði fersk egg í skurn, hamingjuegg, lífræn egg, eggjahvítur og gerilsneyddar eggjarauður. Á fyrirtækjamarkaði er auk þess boðið upp á eftirtaldar vörutegundir: heil egg í brúsum, bakaraegg, eggjakökumix, eggjahvítur, eggjarauður og soðin egg. Í neytendapakkningum eru bæði seld hefðbundin egg og lífræn egg sem eru fáanleg í öllum helstu matvöruverslunum á landsvísu eins og Bónus, Nettó, Krónunni og í fleiri keðjum.“

Nánari upplýsingar um vörur og vöruframboð má finna á nesbu.is.