Nýr Peu­geot E-3008 raf­bíll frum­sýndur í Brim­borg

Frumsýningin hefst í sýningarsal Peugeot við Bíldshöfða 8 í dag, fimmtudaginn 13. júní, og stendur til 27. júní. Sýningar- og reynsluakstursbílar verða á staðnum og ráðgjöf varðandi hleðslu rafbíla, uppsetningu hleðslustöðva og sérkjör í hraðhleðslu. Það hefur aldrei verið öruggara að eiga rafbíl og á þessu ári mun Peugeot gera það enn auðveldara með breiðustu rafbílalínunni á Íslandi.

Verðlaunabíll á frábæru kynningarverði

„Það má segja að Peugeot hafi gjörbylt hönnun á nýja E-3008 bílnum í takt við ný hönnunarmarkmið bílaframleiðandans en þar er heillandi og frumlega hönnun höfð að leiðarljósi,“ segir Benný Ósk Harðardóttir, markaðsstjóri Peugeot hjá Brimborg.

Hún segir að akstursgleði og einstök afköst hafi líka verið höfð að leiðarljósi sem skili sér í meiri ávinningi fyrir væntanlega kaupendur. „Það er gaman að segja frá því að Peugeot E-3008 hlaut verðlaunin á Red Dot, sem er ein stærsta hönnunarsamkeppni heims, en þau voru fyrir framúrskarandi hönnun. Þetta er í níunda sinn sem Peugeot hlýtur þessi eftirsóttu verðlaun sem segir talsvert mikið um þann metnað sem ríkir hjá Peugeot.“

Nýr Peugeot E-3008 fær 900.000 kr. rafbílastyrk frá Orkusjóði og býðst á frábæru kynningarverði eða frá aðeins 7.090.000 með rafbílastyrk.

Hágæða akstursupplifun og öryggi

Einar Nåbye er söluráðgjafi hjá Brimborg. Hann segir Peugeot E-3008 vera fyrsta bíllinn sem Peugeot framleiðir á glænýjum STLA undirvagni en hann setur ný viðmið í rafbílatækni og gerir vörumerkið að leiðandi rafbílamerki í Evrópu.

„STLA undirvagninn er hannaður til að bjóða upp á hágæða akstursupplifun, framúrskarandi drægni, skilvirkni, öflug hraðhleðsluafköst, stafrænar þjónustur og snjallhleðslumöguleika,“ segir Einar. „Bíllinn er með þráðlausar uppfærslur yfir netið (OTA) fyrir reglulegar uppfærslur á hugbúnaði. Því er þessi bíll alltaf með nýjasta hugbúnað sem völ er á.“

Hann segir nýja E-3008 rafbíllinn vera með ríkulegan öryggisbúnað. „Þar má t.d. nefna sjálfvirka neyðarhemlun með myndavél og radar, veglínustýringu, bakkmyndavél, nálægðarskynjurum, fjarlægðarstillanlegan hraðastilli með Stop & Go virkni, akreinaraðstoð og skynjara á hraðatakmörkunum.“

Ný kynslóð af Panoramic i-Cockpit innra rými

Innra rými bílsins hefur vakið mikla athygli en um er að ræða nýja kynslóð af Panoramic i-Cockpit innréttingu. Hún er sérhönnuð til að veita einstaklega góða akstursupplifun að sögn Einars. „Það má segja að innra rými bílsins sé nær fullkomið enda öll stjórntæki, mælar og skjáir í sjónlínu ökumanns. Þar má t.d. finna fullkominn víðmyndarskjá sem er ýmist tveir 10“ HD margmiðlunarskjáir í Allure útfærslu eða 21“ HD margmiðlunar- og víðmyndarskjár með LED stemningslýsingu sem skapar mjög skemmtilega stemmningu við aksturinn í GT útfærslu.“

Í skjánum má finna allar helstu stafrænu nýjungar, svo sem þráðlausar tengingar fyrir snjallsíma og raddstýringu. „Peugeot E-3008 GT er með þráðlausri símahleðslu og upphitanlegu stýri. Lítið og leðurklætt stýrið, sem hefur alltaf verið í lykilhlutverk í i-Cockpit innréttingunni, hefur verið endurhannað til að bjóða upp á enn betri akstursupplifun og þægindi.“

Breiðasta rafbílalína á Íslandi

Peugeot hefur sett sér metnaðarfullt markmið að verða leiðandi rafbílamerki í Evrópu með breiðustu rafbílalínuna. „Peugeot rafbílar hafa verið í notkun hér á landi í næstum fimm ár og er komin mjög góð reynsla af þeim. Í lok þessa árs mun Peugeot bjóða níu tegundir rafmagnsfólksbíla sem verður þá breiðasta rafbílalínan á Íslandi með E208, E-2008, E-308, E-308 Station, E3008, E-408, E -5008, E-Rifter og E-Traveller.“

Hann segir að drægni, hleðsluhraði, útlit, búnaður og verð Peugeot rafbíla hafa fallið vel í kramið hjá Íslendingum sem skýri m.a. miklar vinsældir þeirra. „Við höfum selt mjög mikið af Peugeot 3008 í bensín, dísil og plug in útfærslu síðustu ár. Móttökurnar á Peugeot E-3008 rafbíl eru alls ekki síðri. Fyrstu sjö sæta Peugeot E-5008 rafbílarnir eru síðan væntanlegir til landsins í haust á frábæru kynningarverði, eða frá 7.690.000 kr. með rafbílastyrk.“

Það hefur aldrei verið öruggara að eiga rafbíl

Brimborg er í hópi stærstu innflytjenda rafbíla á Íslandi undanfarin ár. Einar vekur einnig athygli á því að með auknu úrvali rafbíla, meiri drægni, auknum hleðsluhraða, ódýrari heimahleðslu, þéttara hraðhleðsluneti, lengri ábyrgð, lægri rekstrarkostnaði, minni mengun og meiri þægindum hefur aldrei verið öruggara að eiga rafbíl.

Sérkjör á hleðslulausnum og í hraðhleðslu

Peugeot á Íslandi og Brimborg bjóða viðskiptavinum sínum sérlega hagstæð kjör á hleðslustöðvum og uppsetningu þeirra ásamt sérkjörum í hraðhleðsluneti Brimborgar Bílorku. Söluráðgjafar Peugeot veita allar upplýsingar um sérkjör til viðskiptavina.

Nánari upplýsingar um Peugeot E-3008 má finna á vef Peugeot á Íslandi eða hjá söluráðgjafa Peugeot í sýningarsal Peugeot við Bíldshöfða 8 í Reykjavík.