Systurnar sem eru að taka yfir tískuheiminn

1. apríl 2015 18:00

Gigi Hadid er nafn sem þeir sem fylgjast með tískuheiminum hafa heyrt oft undanfarna mánuði. Fyriræta sem að margra mati mun vera mjög áberandi á þessu ári.

Gigi er þó ekki sú eina í fjölskyldunni sem er að taka yfir tískuheiminn en yngri systir hennar Bella skrifaði nýverið undir samning við IMG Models.

Hvaðan koma þessar systur sem eru að skjótast upp á stjörnuhimininn um þessar mundir?

Gigi og Bella eru dætur fasteignarisans Mohamed Hadid og fyrrverandi fyrirsætunnar Yolanda Foster. Gigi (Jelena Noura) og Bella, eiga það sameiginlegt með góðri vinkonu sinni Kendall Jenner að hafa alist upp fyrir framan myndavélina. Móðir þeirra er ein stjarna þáttanna “Real Housewifes of Beverly Hills”.

Gigi var uppgötvuð þegar hún var þriggja ára af Paul Marciano, stofnanda tískuhússins GUESS, sem fékk hana til að sitja fyrir fyrir barnafatalínu sína. Fimmtán árum síðar varð hún andlit GUESS, í þetta skipti fyrir dömulínu merkisins. Hún sat nakin fyrir í herferð Tom Ford, gekk á tískusýningum hjá Jeremy Scott, Chanel, Marc Jacobs og ennfremur Jean Paul Gaultier. Nú, árið 2015, er hún nýtt andlit Maybelline.

Bella, sem er árinu yngri en Gigi, hefur eins og áður var sagt skrifað undir samning hjá IMG Models. Til þess að forðast samanburð við systur sína skipti hún ljósa hárinu út fyrir dekkri lit, sem virðist hafa verið rétt ákvörðun því hún hefur þegar setið fyrir á forsíðum tímarita eins og V Magazine og franska tímaritið Jalouse. Tískubransinn virðist ekki vera eini metnaður Bellu, heldur stundar hún nám í ljósmyndun í Parsons School for Design og stefnir á Ólympíuleikna árið 2016 í hestaíþróttum.

Systurnar eru áberandi á samfélagsmiðlum ásamt elítuvinahóp sínum, Kendall Jenner, Miley Cyrus, Taylor Swift og Cöru Delevingne.

Í nýjasta tölublaði íslenska Glamour er hægt að lesa allt um þennan nýja hóp ofurfyrirsætna og hvernig þær nýta sér samfélagsmiðla til að búa til stjörnustatus í tískuheiminum. Hægt er að panta áskrift hér.