Vann með Naomi Campbell fyrir D&G

Í fyrsta sinn prýðir íslensk fyrirsæta forsíðu Glamour en það er engin önnur en Telma Þormarsdóttir í gullfallegum myndaþætti eftir Silju Magg.  

Telma hefur ekki verið mikið í sviðsljósinu hérna heima en á að baki rúmlega tuttugu ára feril í fyrirsætuheiminum og er hvergi nærri því að ætla að snúa sér að öðru. Hún er ein farsælasta fyrirsæta Íslands og það er heiður fyrir Glamour að hafa hana á forsíðu júlí tölublaðsins, sem nú má finna í öllum helstu verslunum.  

Telma er búsett í New York en er þó með annan fótinn hérna heima. Á Íslandi má helst finna hana í fótboltastúkunni í Frostaskjólinu þar sem hún hvetur kærasta sinn, Óskar Örn Hauksson, áfram eða þar sem hún þeysir um Heiðmörkina á hestbaki sem er hennar helsta áhugamál. 

„Ég byrjaði í Mílanó og var heppin því ég fékk snemma auglýsingaherferð fyrir Emporio Armani sem opnaði fleiri dyr í kjölfarið. Næstu ár vann ég svo víðs vegar um heiminn en flutti til New York 19 ára gömul og hef búið þar síðan.“

Telma hefur unnið við herferðir fyrir meðal annarra D&G, Versus, Topshop, H&M, Garnier, Nivea, Hugo Boss, Redken og L'Oreal.

Hún hefur birst á síðum heimsþekktra tímarita á borð við Elle, Marie Claire, Glamour, The Face, ID, V-magazine, Nylon, Cosmopolitan, Jalouse og Vogue. 

Meira um Telmu í nýjasta tölublaði Glamour en smá forsmekk má sjá hér fyrir neðan.  

Hér fyrir neðan má sjá smá brot úr myndaþætti Silju Magg af Telmu, þar sem íslensk náttúra og fegurð er í hávegum höfð. Sjón er sögu ríkari. 

Nýtt Glamour er komið í allar helstu verslanir - ekki gleyma að tryggja þér eintak!

Komdu í hóp frábærra áskrifenda hér. 

Fylgstu með Glamour á Instagram og Facebook.

 

Búmm Glamour Júlí er mætt! Við erum stoltar yfir því að hafa í fyrsta sinn íslenska fyrirsætu á forsíðunni Telma Þormarsdóttir photo by Silja Magg! #glamouriceland

A photo posted by Glamour Iceland (@glamouriceland) on Jul 9, 2015 at 8:37am PDT