Þessi fagnar 82 árum í dag

Ritstjórn skrifar 10. september 2015 13:00

Meistari Karl Otto Lagerfeld fagnar 82 ára afmæli sínu í dag. Reyndar hélt hann því statt og stöðugt fram að hann væri fimm árum yngri en hann er. Þóttist hann vera að fagna sjötugsafmæli sínu 2008, þegar hann var í raun að fagna því sjötugasta og fimmta.

Í apríl 2013 sagðist hann vera fæddur árið 1935, sem er þó nær sannleikanum en hann er fæddur árið 1933.

Lagerfeld lærði teikningu og sögu, áður en hann var ráðinn sem aðstoðarmaður Pierre Balmain árið 1955, eftir að hafa unnið hönnunarkeppni þar sem verkefnið var að hanna kápur.

Árið 1964 var hann fenginn til að hanna fyrir tískuhúsið Chloé og vakti sumarlína hans sem hann sýndi í október 1972 mikla athygli. Þar kynnti hann nýjung á þeim tíma, pils sem var í raun buxur.

Lagerfeld fór til Fendi árið eftir og árið 1983 var hann ráðinn til Chanel, en hann hannar fyrir bæði merkin enn þann dag í dag.

Lagerfeld hefur oft á tíðum valdið fjaðrafoki. Árið 1993 stormaði Anna Wintour ritstjóri Ameríska VNýtt Glamour er komið í allar helstu verslanir - tryggðu þér eintak!

Fylgstu með Glamour á Instagram og á Facebook.ogue út af sýningu hjá honum á tískuvikunni í Mílano. Hann hafði ráðið fatafellur og klámmyndaleikkonu til að sýna og fór það fyrir brjósið á Wintour.

Hann tjáði sig einnig um Pippu Middleton, systur Kate Middleton og sagði að eins og honum líkaði vel við hertogaynjuna þá líkaði honum ekki við andlit systur hennar og hún ætti að hans mati einungis að sýna á sér bakið í fjölmiðlum.

Lagerfeld tók sig til og missti 42 kíló á þrettán mánuðum árið 2001, þar sem hann fékk skyndilega löngun til þess að klæða sig öðruvísi og var takmarkið hans að geta klæðst fötum eftir fatahönnuðinn Hedi Slimane, en hann er þekktur fyrir að hanna fatnað fyrir sérstaklega granna karlmenn.

Glamour óskar Karl innilega til hamingju með 82 árin...eða ættum við að segja 77 árin? Hér fyrir neðan má sjá nokkrar skemmtilegar myndir frá ferli hönnuðarins.